Lesakako San Fermin erretiratuen elkarteak Gasteizera bidaia antolatu du maiatzaren 16an, Nafarroako Gobernuaren babesarekin. Txartelak 30 eurotan (35 euro bazkide ez direnek) erosteko azken eguna maiatzaren 12a izanen da, jubilatuen ostatuan.
Ortzegunean 08:00etan abiatuko dira Lesakatik eta Gasteizen Fournier karten museora bisita gidatua egin ondotik, El Mirador de Salburua jatetxean bazkaria izanen dute, honako menu honekin: Partekatzeko, upategiko urdaiazpikoa eta olagarro entsalada patatekin eta gero, aukeratzeko, aratze entrecote txingarretan, edo bakailaoa labean edo legatza patatekin, postrea, edariak eta kafea. Bazkalondoan Erdi Aroko Gasteizera bisita gidatua izanen dute, Lesakara bueltatu aitzinetik.