Maiatzaren 5an, igande osoan, Bildotsaren Egunaren karietarat, tokiko produktuen azokak eta animazioek beteko dituzte Senpereko Karrika Nagusia, pilota plaza, baita Xan Iturria plaza ere, oihalezko-etxe erraldoiaren pean iraganen den bazkari bikainarekin.
Koka eta Pintxo lehiaketa (10:00-11:00); bi sukaldari maixuen (Pascal Berrotarran senpertarra eta Xabier Zabaleta Kortazar donostiarra) errezetak aurkeztuak bildotsaren inguruan (10:30- 11:30); Artzain xakur lanaren erakusketa Nicolas Dokhelar-ekin (12:00), Joaldunen desfilea (12:30); bazkari animatua, Les Joyeux bandarekin (13:00); ardi-gasnaren fabrikatze erakustaldia Beñat eta Mirentxu Ezcurrarekin (15:30); Ur begi danborrada (16:00); dantza ikusgarria Zirikolatzekin (17:00). Jarraian Kolpez Blai Donostiako perkusio taldearen emanaldia.
Egun osoan, baserrietako tresneria eta traktore zaharrak ikusgai baita gurdi-zaldiak, haur-jokoen xokoa eta inguruko artzainen presentzia ere. Horra zer programa mamitsua eskainia den.