1967an ireki zuen Oteiza Arkitektoak enpresa Mariano Oteizak, eta aitaren pausoei segituz, bertan aritzen da gaur egun Jon Oteiza. Azaldu duenez, «etxe bat eraikitzeko prozesuaren fase guztiak kudeatzen ditugu; proiektuaren ideia eta garapenetik, lanen zuzendaritza eta amaieraraino. Bezeroaren nahi eta beharretara egokitzen gara emaitza hoberenak lortzeko».

1980an ireki zuten Sansiñena garajea Elizondoko herrigunean, «baina Sansiñena anaiek bazuten lehenagotik ere tailerra». Gurasoen pausoak segituz ari dira gaur egun lanean bertan, baina «kotxeak aldatu diren neurrian aldatu da lan egiteko modua: makineria, ordenadoreak, berrikuntzak… lan fisikoa bada ere, aunitz aldatu da».